Fréttir

Fundur leiðbeinenda Vistverndar í verki 4. júní 2007 - Vistvernd í verki Á fundinn mættu, frá vinstri talið: Eygerður frá Fljótsdalshéraði, Eygló frá Álftanesi, Helga frá Hafnarfirði, Þórður frá Bláskógabyggð, Sigrún Edda frá Hafnarfirði, Þórunn frá Snæfellsnesi, Sigurður frá Garðabæ, Heiða frá Reykjavík, Þorvaldur frá Vogum, Bryndís frá Landvernd og Bergur, framkvæmdastjóri Landverndar sem tók myndina. Fundurinn var haldinn á Maður lifandi í Borgartúni Föstudaginn 25. maí var haldinn vorfundur leiðbeinenda og stjórnenda Vistverndar í verki af öllu landinu. Vistvernd í verki er verkefni sem hvetur fólk til að tileinka sér sjálfbærari lífsstíl og er starfrækt í 18 sveitarfélögum víðsvegar um landið. Á fundinum var farið yfir helstu þætti í starfi vetrarins og áform fyrir þann næsta. Þórður G. Halldórsson fræddi fundargesti um lífræna ræktun og svaraði áleitnum spurningum um efnið. Verkefnisstjóri hvatti þá sem stýra verkefninu til að nýta sér merki verkefnisins á heimasíður sveitarfélaganna og segja vel frá verkefninu þar. Sveitarfélögin sem taka þátt í Vistvernd í verki fengu allt að 100 eintök af nýja ritinu Skref fyrir skref til að dreifa meðal áhugasamra íbúa. Helga, Heiða, Þorvaldur og Bergur

Til baka