Kvennaskólinn í Reykjavík flaggaði í dag fyrsta Grænfána sínum við hátíðlega athöfn. Landvernd óskar Kvennó innilega til hamingju með áfangann.

Dagur íslenskrar náttúru er 16. september n.k. Á síðasta ári útbjó Námsgagnastofnun safnvefinn Dagur íslenskrar náttúru, í samvinnu við Landvernd. Þar má finna áhugaverðan fróðleik og skemmtileg verkefni sem nota má í tilefni dagsins.

Föstudaginn 14. september fékk Giljaskóli á Akureyri Grænfánann afhentan í fyrsta sinn. Smá athöfn var í íþróttahúsinu þar sem nemendur lásu upp slagorð og hugleiðingar um umhverfismál, hlustað var á tónlistaratriði og Gerður frá Landvernd afhenti fánann formlega. Fáninn var svo dreginn að húni fyrir utan skólann þar sem hann mun blakta og minna okkur á mikilvægi þess að huga vel að umhverfinu og að fara vel með jörðina okkar!