Fréttir

Sjálfboðaliðar vinna gott starf í Alviðru

4. ágúst 2010 - Alviðra

Sjálfboðaliðar frá SEEDS samtökunum eru þessa dagana að vinna í Alviðru umhverfisfræðslusetri Landverndar við Sogið í Ölfusi. Eitt af verkefnunum sem sjálfboðaliðarnir vinna að er undirbúningur landnámshænsnabús en til þess að kynna sér aðbúnað og umhirðu landnámshænsna var í dag farið í kynnisferð til Valgerður Auðunsdóttir að Húsatóftum á Skeiðum. Að Húsatóftum rekur Valgerður bú þar sem hún ræktar landnámshænsn, kornhænur, akurhænur og Peking-endur með miklum myndarbrag. Landvernd hefur um langt skeið haft kanínur sem hluta af umhverfisfræðslu Alviðru en það hefur verið ákveðið að landnámshænur henti betur til þess.

nánar ->

Fiðrildahátíðin í Alviðru

19. maí 2010 - Alviðra

Myndlist – Yoga – Náttúrufræðsla – Leikir Viltu læra um náttúruna, hvað hún gefur af sér, hvað hún er og hvað þú getur skapað úr henni? Fiðrildahátiðin í Alviðru kynnir tveggja daga námskeið þar sem myndlist, yoga, náttúrufræðslu og leikjum er fléttað saman á áhugaverðan og skapandi hátt. Námskeiðin eru haldin í faðmi náttúrunnar í Alviðru (við Þrastarskóg) og hefjast kl. 10:00 og enda kl. 16:00 báða dagana.

nánar ->

Vorönn í Alviðru

12. janúar 2010 - Alviðra

Vorönn 2009 í undirbúningi Undirbúningur er nú hafinn að vorönn í Alviðru og verður grunnskólum landsins sendur póstur á næstunni þar sem kynnt verður dagskrá vorannar í Alviðru. Vonir standa til að 2010 verði betra ár en það næst liðna, þegar mikill samdráttur varð í bókunum í kjölfar breyttra aðstæðna.Það virðist almennt álit kennara, skólastjórnenda, stjórnvalda, foreldra og nemenda að vettvangsferðir séu mikilvægur þáttur í starfi skóla. Því þarf að leita nýrra leiða til þess að þessi mikilvægi þáttur í starfi skólanna leggist ekki af. Margir samverkandi þættir hafa orðið til þess að skólar landsins hafa þurft að halda að sér höndum með ferðir nemenda. izle oyun oyun video pes youtube bedava izle izle oyun oyun ayni yer adana oto kiralama

nánar ->

Haustönn hafin í Alviðru

7. september 2009 - Alviðra

Kátir krakkar úr Vestmannaeyjum voru fyrstu gestir Alviðru á þessu hausti. Þetta var 5. bekkur Harmarsskóla sem kom í tveimur hópum, alls 67 krakkar. Fyrst komu stelpurnar og voru nótt, næsta dag komu svo strákarnir og gistu auðvitað líka. Margt áhugavert var á dagskrá og undu krakkarnir sér hið besta. Er þeim hér með þökkuð skemmtileg heimsókn. Velheppnuð vettvangsferð er oft hápunktur skólaársins í hugum nemenda og er ástæða til að hvetja skólastjórnendur, kennara og foreldrafélög til að sjá til þess að þessi mikilvægi þáttur skólastarfsins leggist ekki af þó að á móti blási. Kjörorð Alviðru eru: Fróðleikur, skemmtun útivist. Allir eiga að hafa gaman af heimsókn til Alviðru og fara þaðan nokkurs vísari.

nánar ->

Velheppnaður opinn veiðidagur

29. júní 2009 - Alviðra

Opinn veiðidagur var í Alviðru laugardaginn 27. júní í blíðskaparveðri. Opinn veiðidagur í Soginu er samvinnuverkefni Landverndar og Stangaveiðifélags Reykjavíkur. Vanir veiðimenn frá Stangaveiðifélaginu voru fólki til leiðsagnar. Einn lax var dreginn að landi, 12 punda fiskur nýgenginn og fagurgljáandi. Veiðimaðurinn heitir Óli Marteins og á meðfylgjandi mynd sést hann hampa fengnum.

nánar ->

Opinn veiðidagur í Alviðru

15. júní 2009 - Alviðra

Laugardaginn 27. júní n.k. kl. 10-17 verður opinn veiðidagur í Alviðru í boði Landverndar og Stangaveiðifélags Reykjavíkur. Þar gefst lærðum og leikum kostur á að renna fyrir fisk í Soginu, fyrir landi Alviðru. Vanir veiðimenn vrá Stangaveiðifélaginu verða á svæðinu og leiðbeina fólki. Mæting við bílastæðið við Sogsbrú, gengt Þrastalundi. Heitt verður á könnunni og kakó og kleinur í borðum í veiðihúsinu allan daginn. Allir eru velkomnir, það kostar ekki neitt, bara að mæta með veiðigræjurnar og góða skapið. Upplýsingar í síma 898 1738.

nánar ->

Góðir gesti í Alviðru.

8. maí 2009 - Alviðra

Elstu börnin í leikskólanum Mánabrekku heimsóttu Alviðru 6. maí. Farið var í gönguferð um Þrastaskóg og fuglar skoðaðir í stórum sjónauka. Æðarfuglinn og straumendurnar eru komnar á Sogið og glöddu gesti með nærveru sinni. Hrossagaukurinn lét til sín heyra og skógarþrestir sungu af hjartans list. Lög frá 2007 um gjaldfrjálsan grunnskóla, hækkandi eldsneytisverð og almennt efnahags ástand valda því að dregið hefur úr heimsóknum til Alviðru á síðustu misserum.

nánar ->

Vorönn í Alviðru.

2. mars 2009 - Alviðra

Á vorönn eru á dagskrá Alviðru 3 mismunandi verkefni fyrir grunnskóla auk þess sem í boði er dagskrá fyrir leikskóla. Auðvitað í Alviðru er dagskrá sem tengist jarðfræði- og gróðurfars köflum bókanna Auðvitað 1 og 2. Kennarar hafa þarna tækifæri til að glæða námið nýju lífi með því að gefa nemendum kost á að upplifa í náttúrunni sjálfri ýmislegt sem þeir annars aðeins lesa um í bókunum.

nánar ->

Kennaranámskeið í Alviðru.

15. október 2008 - Alviðra

Kennaranámskeið var haldið í Alviðru 10. október s.l. Yfirskrift námskeiðsins var „Nám og kennsla um lífríkið í fersku vatni“ Leiðbeinandi á námskeiðinu var Stefán Bergmann höfundur bókarinnar „Lífríkið í fersku vatni“ Fullbókað var á námskeiðið en þátttakendur voru 16. Unnið var bæði úti og inni, farið var í þætti eins og hvar er best að taka sýni og hvað er að finna í vatninu.

nánar ->

Góðir dagar í Alviðru.

2. september 2008 - Alviðra

Fróðleikur, skemmtun og útivist eru einkunnarorð Alviðru og eru þau í hávegum höfð þessa dagana, því nú er haustönnin hafin. Það ríkti gleði og góður andi í haustblíðunni í Alviðru í dag þegar 6. bekkur Vallaskóla á Selfossi kom í Alviðru til að fræðast um lífið í vatninu.

nánar ->

Opinn veiðidagur í Alviðru

16. júní 2008 - Alviðra

Laugardaginnn 21. júní verður opinn veiðidagur í Alviðru frá kl. 11-18. Á opnum veiðidegi gefst þeim sem ekki stunda stagveiði alla jafna kost á að kynnast þessari skemmtilegu iðju. Þetta er fimmta árið í röð sem Alviðra og Stangveiðifélag Reykjavíkur hafa samvinnu um opinn veiðidag í Alviðru.

nánar ->

Alviðra fyrir leikskólabörn.

21. maí 2008 - Alviðra

Leikskólar heimsækja Alviðru í auknum mæli og þá einkum „útskriftarhópar“ leikskólanna. Í Alviðru er í boði tvenns konar dagskrá fyrir leikskóla.

nánar ->

Líf og fjör í Alviðru

16. apríl 2008 - Alviðra

Það er líf og fjör í Alviðru þessa dagana og létu krakkarnir frá Reykhólaskóla ekki á sig fá þó að það snjóaði hressilega. Þau voru í sólarhringsheimsókn og könnuðu bæði jarðfræðina og lífið í vatninu.

nánar ->

Það vorar í Alviðru

26. febrúar 2008 - Alviðra

Velkomin í Alviðru. Í Alviðru er á vorönn boðið upp á nokkrar mismunandi verkefni sem öll tengjast námsefni grunnskólanna á einhvern hátt. • Auðvitað í Alviðru • Lífið í vatninu • Til móts við vorið

nánar ->

Dagskrá að hefjast í Alviðru.

8. janúar 2008 - Alviðra

Árið 2007 var gott ár í Alviðru. Aðsókn var mjög góð, fjölmargir skólar komu með nemendur sína til Alviðru til þessa njóta þess sem staðurinn hefur upp á að bjóða. Alviðra vill þakka kennurum, öðrum starfsmönnum og nemendum sem hingað komu farsælt samstarf og ánægjuleg kynni.

nánar ->in english ->

Bráðum koma jólin

20. nóvember 2007 - Alviðra

Jóladagskrá Alviðru “Bráðum koma jólin” byrjar þann 26. nóvember. Dagskráin er með þjóðlegu ívafi, ætluð yngri- og miðbekkjum grunnskóla. Gamlir munir eru fengnir að láni hjá Byggðasafni Árnesinga. Farið er í leiki, sungið og föndrað úr efnivið úr náttúrunni.

nánar ->in english ->

Góð aðsókn hefur verið í Alviðru

11. október 2007 - Alviðra

Mjög góð aðsókn hefur verið í Alviðru í haust og eru líkur á að fullbókað verði til jóla. Þrenns konar dagskrá er í gangi um þessar mundir; “Náttúran í haustskrúða”, Lífið í vatninu” og “Auðvitað í Alviðru” ...

nánar ->

Opinn veiðidagur í Alviðru heppnaðist vel

13. ágúst 2007 - Alviðra

Yfir 70 manns mættu á opinn veiðidag í Alviðru. Fjórir laxar og tveir sjóbirtingar veiddust. Vel hefur veiðst í Alviðru það sem af er af þessu sumri og eru yfir 100 laxar þegar komnir á land.

nánar ->

Opinn veiðidagur

7. ágúst 2007 - Alviðra

Opinn veiðidagur verður í Alviðru laugardaginn 11. ágúst. Vel hefur veiðst í Soginu undanfarnar vikur og því enn meira gaman að koma og taka þátt. 13 laxar veiddust einn daginn og yfir 80 laxar eru komnir á land í sumar.

nánar ->

Heimsókn Snælandsskóla á Auðvitað í Alviðru tókst vel

20. mars 2007 - Alviðra

Nemendur úr Snælandsskóla komu í heimsókn í Alviðru dagana 5. og 8. mars sl. í verkefnið Auðvitað í Alviðru. Þetta var fyrsta heimsókn skóla í þetta ...

nánar ->