Landvernd hvetur til pólítískrar sáttar um stækkun friðlands í Þjórsárverum

19. ágúst 2010 - Landvernd

Landvernd fagnar áformum um að stækka friðlandið í Þjórsárverum, einnig til suðurs. Fyrirliggjandi athuganir á Þjórsárverum sýna að svæðið er afar verðmætt vegna gróðurfars og dýralífs, einnig sem víðerni og hluti af stærri landslagsheild. Þetta hefur m.a. komið fram í vinnu við rammaáætlun. Umfjöllun um verndun Þjórsárvera hefur staðið í nær 50 ár. Nái áform um stækkun fram að ganga er von til þess að niðurstaða fáist loks í þessu máli. Það yrði þá niðurstaða þar sem náttúran fær að njóta vafans og þar sem skammtíma virkjunarhagsmunir víkja fyrir langtíma verndunarsjónarmiðum.

nánar ->

4. ágúst 2010 - Alviðra Sjálfboðaliðar vinna gott starf í Alviðru Sjálfboðaliðar frá SEEDS samtökunum eru þessa dagana að vinna í Alviðru umhverfisfræðslusetri Landverndar við Sogið í Ölfusi. Eitt af verkefnunum sem sjálfboðaliðarnir vinna að er undirbúningur landnámshænsnabús en til þess að kynna sér aðbúnað og umhirðu landnámshænsna var í dag farið í kynnisferð til Valgerður Auðunsdóttir að Húsatóftum á Skeiðum. Að Húsatóftum rekur Valgerður bú þar sem hún ræktar landnámshænsn, kornhænur, akurhænur og Peking-endur með miklum myndarbrag. Landvernd hefur um langt skeið haft kanínur sem hluta af umhverfisfræðslu Alviðru en það hefur verið ákveðið að landnámshænur henti betur til þess. Þær eru gott dæmi um aðflutta dýrategund sem hefur aðlagast vel íslensku umhverfi. Auk þess eru landnámshænsn afar vistvænar. Þær nýta vel lífræna afganga og hægt er að nýta úrgang frá þeim sem áburð. Það á eftir að verða mikil skemmtun og fjaðrafok hjá skólahópunum sem koma til Alviðru vor og haust. nánar ->		28. júlí 2010 - Landvernd Töfrar Torfajökuls 7.-9. og 13.-15. ágúst Landvernd hefur nú ákveðið að bæta við einni jarðfræðiferð til viðbótar um Torfajökulssvæðið 13.-15. ágúst en fyrri ferðin 7.-9. er uppbókuð. Leiðangurinn er eins og hinn fyrri skipulagður í samvinnu við Hálendisferðir og farinn í fylgd jarðfræðinganna Sigmundar Einarssonar og Kristjáns Jónassonar. Á Torfajökulssvæðinu sem er eitt mesta háhitasvæði í heimi er stórbrotið landslag hvera, lauga og líparítfjalla. Svæðið er víðáttumikið og sum þeirra svæða sem við skoðum eru lítt þekkt þrátt fyrir að Laugavegurinn, fjölfarnasta útivistarsvæði hálendisins, liggi þar um. Gist verður í tvær nætur í Dalakofanum í Vestur-Reykjadölum og allur matur innifalinn. Enn eru nokkur sæti laus og hægt að bóka sig í síma 8640412 eða með tölvupósti info@halendisferdir.is Ferðaáætlun fyrir Torfajökulssvæðið nánar ->
19. júlí 2010 - Landvernd Ferð á háhitasvæði í fjallaþyrpingu Kerlingarfjalla Helgina 24.-25. júlí blása Landvernd og Hálendisferðir til jarðfræðiferðar í Kerlingarfjöll í fylgd Sigmundar Einarssonar og Kristjáns Jónassonar jarðfræðinga hjá Náttúrufræðistofnun. Tilgangur ferðarinnar er að skoða hið afar litríka háhitasvæði frá sjónarhorni náttúruverndar en Kristján og Sigmundur höfðu með höndum að rannsaka svæðið út frá verndargildi þess í tengslum við gerð rammaáætlunar um vernd og nýtingu náttúrusvæða sem nú er til afgreiðslu á þingi. Gist verður eina nótt í Kerlingarfjöllum. Um er að ræða tjaldferð en einnig er hægt að bóka gistingu í skála sé þess óskað. Boðið verður upp á kvöldverð á komudegi, morgunverð og nesti seinni daginn. Enn eru nokkur sæti laus og hægt að bóka sig í ferðina á www.halendisferdir.is nánar ->		7. júlí 2010 - Landvernd Velheppnuð ferð í Trölladyngju Sunnudaginn 4.júlí fór 40 manna hópur á vegum Landverndar og Ferðafélags Íslands í gönguferð um hið ægifögra umhverfi Trölladyngju og Sogana á Reykjanesskaga. Ferðin var afar vel heppnuð og allir fóru heim fullir fróðleiks eftir góða leiðsögn Sigmundar Einarssonar jarðfræðings. Landvernd telur mikilvægt að fólk kynni sér vel og heimsæki þau fallegu náttúrusvæði á landinu sem eru til athugunar sem orkuvinnslusvæði og vill minna á ferðir í Kerlingafjöll 24-25 julí og á Torfajökulssvæðið 7-9 ágúst nánar ->

Sumarferðir Landverndar um jarðhitasvæði sumarið 2010

Í sumar stendur Landvernd í samstarfi við Ferðafélag Íslands og Hálendisferðir fyrir vettvangsferðum um jarðhitasvæði. 4. júlí verður gengið um Trölladyngjusvæðið. 24.-25. júlí verður boðið upp á tjaldferð í Kerlingarfjöll og 7.-9. ágúst skálaferð á Torfajökulssvæðið. Jarðfræðingarnir Sigmundur Einarsson og Kristján Jónasson leiðsegja hópunum. Bókanir fyrir dagsferð í Trölladyngju 4. júlí eru hjá Ferðafélagi Íslands í síma 568 2533 eða sendast til fi@fi.is Sjá ferðaáætlun hér: www.fi.is Bókanir í ferðirnar í Kerlingarfjöll og á Torfajökulssvæðið eru hjá Hálendisferðum í síma 864 0412 (9-17) og 561 4012 (kl. 9-14) eða sendast með tölvupósti til info@halendisferdir.is Nánari upplýsingar sjá: www.halendisferdir.is Áfangastaðir Landverndar eiga það sammerkt að búa yfir einstakri náttúrufegurð, auk þess að vera álitnir gjöful orkuvinnslusvæði. Tilgangur ferðanna er að fræðast um jarðfræði þessara svæða, hugleiða möguleg áhrif orkuvinnslu og njóta um leið útivistar í einkar sérstæðri náttúru.

Ljósmyndakeppni Landverndar

Ljósmyndari, Bergljót Sigurbjörnsdóttir.

Listi yfir árlega umhverfisdaga

25. apríl ár hvert er haldinn hátíðlegur Dagur umhverfisins á Íslandi. Ýmsir fleiri dagar og viðburðir tengdir umhverfismálum eru haldnir árlega m.a. af tilstuðlan Sameinuðu þjóðanna, Evrópusambandsins og félagasamtaka. Til að auðvelda þeim sem vilja taka þátt í viðburðunum yfirsýn og undirbúning hefur hér verið tekinn saman listi yfir helstu daga og viðburði en viðbætur og leiðréttingar eru vel þegnar.